مدحت نبی ‏کی ‏کیجئےرب ‏کی ‏ثنا ‏کےساتھ،ازقلم ‏سبطین ‏مرتضوی،8695882367 ‏

نعت رسول صلی اللہ علیہ وآلہ وسلم

ازقلم سبطین مرتضوی

مدحت نبی کی کیجئےرب کی ثناکےساتھ

ہرجا نبی کا نام ہے نام خدا کے ساتھ

قد جاءکم کی آیت نوری کو چھوڑکر

کیوں تو ہے محو گفتگو قل انما کے ساتھ

جس وقت نام سید ابرار تم سنو

بھیجو درود ان پہ خلوص و وفا کےساتھ

کرتے ہیں جو بھی مدح شہنشاہ بحروبر

خلد بریں وہ جائیں گے خیرالوریٰ کےساتھ

دوزخ میں ڈالے جائیں گے وہ لوگ بالیقیں

رکھتےہیں جوبھی بغض شہ انبیاکےساتھ

چھوٹا بڑا نہیں کوئی دربار شاہ میں

یکساں سلوک ہوتاہےشاہ وگداکےساتھ

سبطین کو ذرا بھی نہیں خوف حشر کا

آئیں گےمصطفی وہاں رب کی رضا کےساتھ

Comments

منقبت مخدوم صابر کلیری ‏رضی ‏اللہ ‏عنہ ‏ازقلم ‏سبطین ‏مرتضوی ‏8695882367

منقبت مخدوم صابر کلیری رضی اللہ عنہ ازقلم سبطین مرتضوی ہیں گدائے مصطفے مخدوم صابر کلیری پرتوے غوث الوری مخدوم صابر کلیری پیکر عشق و وفا مخدوم صابر کلیری صاحب جودو سخامخدوم صابر کلیری پاکے وہ خیرات شاہوں سے بھی اعلیٰ ہوگیا جو بنا تیرا گدا مخدوم صابر کلیری شاہ وسلطاں کونہیں لاتےہیں خاطرمیں کبھی تیری چوکھٹ کے گدا مخدوم صابر کلیری تونے اپنا خود جنازہ پڑھ کےثابت کردیا کیا فنا ہےکیا بقا مخدوم صابر کلیری منزلیں کونین کی آسان کر دیجے مری حق نما ،حق آئنہ مخدوم صابر کلیری قلب میں سبطین کےہےبس یہی اک التجا خواب میں جلوہ دکھا مخدوم صابر کلیری

منقبت ‏خواجہ ‏غریب ‏نواز ‏رضی ‏اللہ ‏عنہ ‏ازقلم ‏سبطین مرتضوی

منقبت خواجہ غریب نواز رضی اللہ عنہ ازقلم سبطین مرتضوی نور کا اجمیر میں ہے اک منارہ آج تک جسکی کرنوں سےہےبھارت میں اجالاآج تک میرےخواجہ نےجوروکاتھااشارےسےکبھی اس پہاڑی پر وہ پتھر ہے لٹکتا آج تک کیسےکوئی بھول پائےگابھلااس بات کو یاد ہے نعلین خواجہ کا وہ حملہ آج تک یا معین الدین چشتی آپ کےدربار میں بیکس و مجبور پاتے ہیں سہارا آج تک ایک پیالے میں انا ساگر کو کیسے بھردیا ہے تصور میں سمایا اس کا نقشہ آج تک جس کوجوکچھ مانگناہےمانگ لےاجمیرمیں بٹ رہا ہے کربلا والوں کا صدقہ آج تک آپ کے دربار عالیشان کو خواجہ پیا جس نےدیکھاہےحقیقت میں نہ بھولاآج تک قلب سبطین حزیں بھی طالب دیدار ہے آپ کے دربار اقدس کو نہ دیکھا آج تک

نبی ‏کی ‏ہے ‏ہرادا ‏محفوظ ‏،ازقلم ‏سبطین ‏مرتضوی ‏،8695882367

نعت رسول مقبول صلی اللہ علیہ وآلہ وسلم ازقلم سبطین مرتضوی بھلے ہی کچھ نہ رہے اے مرے خدا محفوظ مگر زباں پہ رہے نام مصطفیٰ محفوظ حیات ا‌ن کی نمونہ ہے ہر بشر کےلئے اسی لئے تو نبی کی ہے ہر ادا محفوظ زمیں پہ عرش پہ جنت میں چاندتاروں میں کلام پاک میں آقا کی ہے ثنا محفوظ ہے آرزو کہ مجھے موت آئے جب آقا رہے لبوں پہ مرے آپ کی ثنا محفوظ خدا کا قول *الا ان اولیاء اللہ* بتا رہا ہے کہ غم سے ہیں اولیا محفوظ بتاؤ نجدیو! کس کام کے ہیں یہ سجدے؟ رہے نہ دل میں اگر عشق مصطفے محفوظ خدا کے فضل سے میرے نبی کا اے سبطین حجر کے سینے پہ دیکھو ہے نقش پا محفوظ

نغمات سبطین مرتضوی

Search This Blog