غلط بات ہے ازقلم سبطین مرتضوی 8695882367

💫🌷غلط بات ہے 🌷💫

ازقلم سبطین مرتضوی

8695882367

ذکر احـمـد بھلانا غلط بات ہے

گیت دنیا کے گانا غلط بات ہے

صلح کلی سے دوری بنائے رہو

ہاتھ اس سے ملانا غلط بات ہے

کر بیاں جو نبی نے ہے فرما دیا

اس سے ہٹ کر بتانا غلط بات ہے

اولیا کی جو عظمت کے قائل نہیں

انکی محفل میں جانا غلط بات ہے

یہ ہے مفہوم سرکار کے قول کا

ظلم مفلس پہ ڈھانا غلط بات ہے

آیت لاتقل سے یہ ظاہر ہوا

باپ ماں کو رُلانا غلط بات ہے

ہے گزارش یہ سبطین کی مومنو!

دل کسی کا دکھانا غلط بات ہے

Comments

منقبت مخدوم صابر کلیری ‏رضی ‏اللہ ‏عنہ ‏ازقلم ‏سبطین ‏مرتضوی ‏8695882367

منقبت مخدوم صابر کلیری رضی اللہ عنہ ازقلم سبطین مرتضوی ہیں گدائے مصطفے مخدوم صابر کلیری پرتوے غوث الوری مخدوم صابر کلیری پیکر عشق و وفا مخدوم صابر کلیری صاحب جودو سخامخدوم صابر کلیری پاکے وہ خیرات شاہوں سے بھی اعلیٰ ہوگیا جو بنا تیرا گدا مخدوم صابر کلیری شاہ وسلطاں کونہیں لاتےہیں خاطرمیں کبھی تیری چوکھٹ کے گدا مخدوم صابر کلیری تونے اپنا خود جنازہ پڑھ کےثابت کردیا کیا فنا ہےکیا بقا مخدوم صابر کلیری منزلیں کونین کی آسان کر دیجے مری حق نما ،حق آئنہ مخدوم صابر کلیری قلب میں سبطین کےہےبس یہی اک التجا خواب میں جلوہ دکھا مخدوم صابر کلیری

منقبت ‏خواجہ ‏غریب ‏نواز ‏رضی ‏اللہ ‏عنہ ‏ازقلم ‏سبطین مرتضوی

منقبت خواجہ غریب نواز رضی اللہ عنہ ازقلم سبطین مرتضوی نور کا اجمیر میں ہے اک منارہ آج تک جسکی کرنوں سےہےبھارت میں اجالاآج تک میرےخواجہ نےجوروکاتھااشارےسےکبھی اس پہاڑی پر وہ پتھر ہے لٹکتا آج تک کیسےکوئی بھول پائےگابھلااس بات کو یاد ہے نعلین خواجہ کا وہ حملہ آج تک یا معین الدین چشتی آپ کےدربار میں بیکس و مجبور پاتے ہیں سہارا آج تک ایک پیالے میں انا ساگر کو کیسے بھردیا ہے تصور میں سمایا اس کا نقشہ آج تک جس کوجوکچھ مانگناہےمانگ لےاجمیرمیں بٹ رہا ہے کربلا والوں کا صدقہ آج تک آپ کے دربار عالیشان کو خواجہ پیا جس نےدیکھاہےحقیقت میں نہ بھولاآج تک قلب سبطین حزیں بھی طالب دیدار ہے آپ کے دربار اقدس کو نہ دیکھا آج تک

نبی ‏کی ‏ہے ‏ہرادا ‏محفوظ ‏،ازقلم ‏سبطین ‏مرتضوی ‏،8695882367

نعت رسول مقبول صلی اللہ علیہ وآلہ وسلم ازقلم سبطین مرتضوی بھلے ہی کچھ نہ رہے اے مرے خدا محفوظ مگر زباں پہ رہے نام مصطفیٰ محفوظ حیات ا‌ن کی نمونہ ہے ہر بشر کےلئے اسی لئے تو نبی کی ہے ہر ادا محفوظ زمیں پہ عرش پہ جنت میں چاندتاروں میں کلام پاک میں آقا کی ہے ثنا محفوظ ہے آرزو کہ مجھے موت آئے جب آقا رہے لبوں پہ مرے آپ کی ثنا محفوظ خدا کا قول *الا ان اولیاء اللہ* بتا رہا ہے کہ غم سے ہیں اولیا محفوظ بتاؤ نجدیو! کس کام کے ہیں یہ سجدے؟ رہے نہ دل میں اگر عشق مصطفے محفوظ خدا کے فضل سے میرے نبی کا اے سبطین حجر کے سینے پہ دیکھو ہے نقش پا محفوظ

نغمات سبطین مرتضوی

Search This Blog